صوتك ليا جاني تغربلت والتــــعت
ومن قبل لا اسمع صوتك الجو هـــادي
يامانهاني العقل لكن ماطعــــــت
القلب يسال جيتك يــــــاودادي
اسج يم الحلم لامن توجعــــــت
والحلم يجمعني بتواءم فــــــؤادي
ياروح روحي اسالك كان لي طـــعت
لاتبلل الطينه وتشعل عنــــادي
ياكثر ما اذرف دمعتي لاتمنـــــعت
احيان صدك لي اناني وســــادي
يا ما كثير اللي رجاني ولا بعــــت
قلبٍ غرامه فيك غير اعتــــيادي
من بعد حبي لك على الكل شمّـــعت
وغيرت من حبك جميع المـــــبادي
ما انكر اني معك ياسيدي ضــــعت
ومن الضياع القلب معك انقــــيادي
احس كني من غيابك تقطـــــعت
اتذبحني الغربة وانا في بـــــلادي
والا سمعتك ياحبيبي تجمـــــعت
احساس ماهو ياحبيبي بعـــــادي
وان قلت مجنونة حبيبي تطرطــــعت
دبتك انا مجنونتك يامنــــادي
احس اني بغيابك تنـــــقعت
في وسط بركانٍ غزير الرـــــمادي
ولا جيت لاغنية الاماكن تسمّـــعت
اعلنت في حبك مسيرة جهـــادي
يا الله ترحمني ليا مني ابــــدعت
في حب من صد ان دعاه المـــنادي
القلب لو لي فيه حكمٍ ترفـــعت
عن روحي اللي سببت لي سهـــادي
مير البلا لا من تعبت وتمتـــــعت
ولقيت قلبي في مودتك شــــادي
على تصاريفك حبيبي تطبــــعت
عنيد متمرد وطيب وهــــادي
لا تقول في حبك حبيبي تصـــنعت
والشعر حرفة تغتنمها الايــــادي
لا والله الا رحت فيها وضــــيّعت
كل الدروب وقلت دربك مـــرادي
فارجوك قدر موقفي لاتوجـــعت
ولعنت ابو حبك على ابـــو ودادي
فانا صغيره مابعد مثلك اينــــعت
توي احط الرجل وابدى اجتــــهادي
فالحب يذبل لاركضت وتــــسرعت
اصبر قبل تعلن معاك اضطـــهادي
واوعدك لا ضاقت على قلبي وجعــت
لاجوّع احساسي واشبعــــك زادي
الله لامنك تكلمت والتعــــــت
لاح البياض وغاب عني ســــوادي
تحيتيـ
2010-08-05
جديد مواضيع قسم القصائد والشعر وخواطر 
العرض العادي
